निमेषदेव पाण्डे (केमेस्ट्री) को र्याप गीत ‘भाग्य कर्म’ सार्वजनिक भएको छ। सोमबार युट्युबमार्फत सार्वजनिक र्यापमा जिन्दगीदेखि निराश भएको केटाको कथा–व्यथा देखाउन खोजिएको केमेस्ट्रीले बताए।
‘समाज, पैसा अनि यावत जिन्दगीका नैराश्यलाई भुलेर अगाडि बढ्न खोजिरहेको केटालाई ‘भाग्य कर्म’मा समेटन खोजेको छु,’ १८ वर्षीय केमेस्ट्रिले भने, ‘करिब ६ महिनाअघि मात्रै यो र्याप लेखेको हुँ। पहिलो प्रयास भएकाले कमिकमजोरीहरु औलाइदिन पनि अपेक्षा राख्छु।’
सानैदेखि विज्ञान विषयको रसायनसास्त्र (केमेस्ट्री) मन नपरेकै कारण उनले आफूलाई केमेस्ट्री भन्न रुचाएको बताए। त्योबाहेक, बिम्बात्मक रुपमा पनि प्रयोग हुने भएकाले उनलाई यो नाम मन परेछ।
गीतलाई सुजन गौतमले निर्माण गरेका हुन् भने पूजा दर्नालले निर्देशन गरेका हुन्। रमेश रिजाल र मनोज केसीले भिडिओमा काम गरेका छन्।
-1746009348.jpg)
