युरोप र सिंगापुरमा फिल्म मेकिङ पढेर फर्केका निर्देशक दिपेश सापकोटाले 'आकासैको छानोमुनि बसाऊँ एक सहर' बोलको गीत निर्देशन गरी ओजपूर्ण 'कमब्याक' गरेका छन्।
टेस्ट गरम, भन के छ बन्दोबस्त, कोरेर मेरो चित्र लगायत दर्जनौं हिट गीत दिइसकेका गायक विश्व नेपालीलाई यो गीतमा अस्मिता परियारले स्वरमा साथ दिएकी छन्।
सोमबार युट्युबमार्फत् भिडिओ सार्वजनिक भएको हो।
सम्भ्रान्त परिवारका युवायुवतीको प्रेम जीवनलाई फ्रेममा उतारेको निर्देशक सापकोटा बताउँछन्। गीतलाई उत्कृष्ट बनाउन करिब एक हप्ता लगाएर सुटिङ गरिएको सापकोटाले जानकारी दिए।
नेपाली कलाकारितामा कोभिड १९ को प्रभावसँगै व्यवसायिक सफलता लिन गाह्रो भएको अवस्थामा ट्रि इन्टरटेन्मेन्टले १२ लाख लगानी गर्नु उत्साहप्रद रहेको सापकोटाले बताए।
मदानी क्रिएसनले प्रोडक्सन गरेको गीतको 'लोकेसन' र 'प्रपर्टी'ले गीतको गरिमा बढाएको छ।
गीतमा १९६६ मोडलको मस्टङ कार देख्न सकिन्छ। जाउलाखेल ग्रुप अफ इन्डस्ट्रिजका प्रबन्ध निर्देशक राजबहादुर शाहको सो 'भिन्टेज' कारले भिडिओको ओज बढाएको छ।
गीतको सुटिङ विभिन्न उत्कृष्ट गन्तव्यमा गरिएको छ।
कानुनको विद्यार्थी रोचक जोशीलेर् यो भिडिओमार्फत् डेब्यु गरेका छन्।
बलिउडमा संघर्षरत् नेपाली मोडल मुना गौचन लामो समयपछि नेपाली भिडिओमा कमब्याक गरेकी छन्।
सङ्गीत निर्देशक आनन्द राई रहेको गीतको संगीत संयोजन गोपाल रसाइलीले गरेका छन्। गीतको शब्द डा. राजुबाबु श्रेष्ठले लेखेका हुन्।
-1746009348.jpg)
