संगीता श्रेष्ठको सर्ट फिल्म ‘आइसक्रिम’ ले ‘अफ्रिका फिल्म फोर इम्प्याक्ट फेस्टिभल’ मा दुई अवार्ड जितेको छ। शनिबार राति घोषणा भएको अवार्ड समारोहमा फिल्मले उत्कृष्ट अभिनेत्री र सम्पादन गरी दुई विधामा अवार्ड जितेको हो। नोभेम्बर तीनदेखि सुरु भएको फेस्टिभलको पहिलो दिन नै फिल्म स्क्रिनिङ भएको थियो।
फिल्म फेस्टिभलमा प्रदर्शन हुँदा नै खुसी थिएँ। ‘फेस्टिभलमा संसारभरका फिल्म हेर्दा हाम्रो फिल्मको तुलनामा धेरै बजेटमा बनेका र प्राविधिक रुपमा राम्रा फिल्म थिए। निर्देशक संगीता श्रेष्ठले टेलिफोनमा उत्साहित हुँदै भनिन्। तर आइसक्रिमले अवार्ड दुईटा अवार्ड जित्ला सोचेकै थिइनँ। एकदमै खुसी छु।'
बाल यौन हिंसाको विषय र सम्पादनमा गरेको प्रयोगका कारण फिल्मले पुरस्कार पाएको उनले बताइन्। बाल यौन शोषणलाई विषय बनाइएको फिल्ममा सडकमा माग्दै हिँड्ने बालिकाको कथा छ। योगिशा खत्रीको मुख्य भूमिका रहेको फिल्म ९ मिनेट लामो छ।
संगीता 'कथा काठमाण्डू' फिल्मकी निर्देशक हुन्। 'आइसक्रिम' अमेरिकाको 'बेस्ट अफ ल्याटिन अमेरिका सर्ट फिल्म फेस्टिभल', बेलायतको 'फस्ट टाइम फिल्ममेकर सेसन्स', इटालीको 'इन्टिमलेन्ट फिल्म फेस्टिभल' र नेपालको 'मानव अधिकार फिल्म फेस्टिभल २०२०' मा छनोट भइसकेको निर्देशक संगीताले जानकारी गराइन्।
हेर्नुस् ‘आइसक्रिम’ को टिजर-
-1746009348.jpg)
