कौस्तुभ एकेडेमीको आयोजनामा भएको पहिलो कौस्तुभ इन्टर कलेज सेभेन ए साइड फुटसल प्रतियोगिताको उपाधि जेएमसी कलेजले जितेको छ।
बिहीबार भएको फाइनलमा आयोजक कौस्तुभ कलेजलाई पराजित गर्दै जेएमसी च्याम्पियन बनेको हो।
बैजन्ति फुटसल देब्येश्वरीमा भएको फाइनलमा जेएमसी १-० ले विजयी भयो।
उपाधिसँगै जेएमसीले नगद ४० हजार रूपैयाँ प्राप्त गर्यो भने कौस्तुभले १५ हजार रूपैयाँमै चित्त बुझायो।
प्रतियोगिताको उत्कृष्ट खेलाडी कौस्तुभका विवश मगर घोषित भए।
प्रतियोगिताको समापनमा पूर्वमन्त्री महेश बस्तेन प्रमुख अतिथिको रुपमा उपस्थित भएका थिए।
आयोजक कलेजका प्रिन्सिपल किरण प्रकाश न्यौपानेका अनुसार प्रतियोगितामा २३ कलेजका २४ टिमले भाग लिएका थिए।
