एएफसी फुटसल एसियन कप छनोटमा नेपाल समूह ‘बी’ मा परेको छ।
समूहमा नेपालसँगै उज्वेकिस्तान, ताजकिस्तान र अफगानिस्तान परेका छन्। छनोट चरणको ड्र बिहीबार एएफसीले भर्चुअल माध्यमबाट गरेको थियो।
छनोटका खेल आगामी अप्रिल १० देखि १२ सम्म हुनेछ। सबै खेल किर्गिस्तानमा गर्ने एएफसीले जनाएको छ।
नेपाली फुटसल टिमका मुख्य प्रशिक्षक गौरव बस्नेतले छनोटअघि ३२ खेलाडीलाई बन्द प्रशिक्षणमा बोलाएका छन्। नेपालको प्रशिक्षण भोलिदेखि सुरु हुनेछ।
कुवेतमा आगामी सेप्टेम्बर अन्तिम सातादेखि हुने एसियन कप फुटसलमा १६ टिमले प्रतिस्पर्धा गर्नेछन्।
कुवेत आयोजकको हैसियतमा छनोट भइसकेको छ। अब समूहका शीर्ष टिम स्वत छनोट हुनेछ भने दोस्रो हुने टिमले प्लेअफ खेल्न पाउनेछ।
1641458329.jpg)
