नेपाल प्रिमियर लिग (एनपिएल) का लागि कीर्तिपुरस्थित त्रिवि मैदानमा पुगेर हेर्न चाहने दर्शकका लागि टिकट मूल्य बढेको छ।
यसअघि क्यानले स्कोरबोर्ड नजिकको प्यारापिटलाई प्रिमियर जोनको रूपमा टिकट बिक्री गर्दै आएकोमा प्रिमियम जोनको संख्या थप भएसँगै टिकट मूल्य बढेको हो।
यसअघि क्यानले प्लेअफ र फाइनलका लागि प्रिमियम टिकटको मूल्य दुई हजार र सामान्य टिकटको मूल्य एक हजार तोकेको थियो।
तर अहिले सामान्य प्यारापिट क्षेत्रहरू सिद्धार्थ बैंक जोन, रेड बुल जोन र एनसेल जोनलाई प्रिमियम बनाएको छ। जसका कारण यसअघि सामान्य प्यारापिटका क्षेत्र प्रिमियर भएका छन्, त्यसमा कुनै सुविधा थप गरिएका छैनन्। तर टिकट मूल्य भने बढेको छ।
-1765445306.jpg)
‘हामीले टिकट मूल्य बढाएका होइनौं, तर प्रिमियम जोन भने बढाएका हौं। हामीले यसअघि नै प्रिमियम टिकट मूल्य २ हजार तोकेका थियौं,’ नेपाल क्रिकेट संघ (क्यान) का प्रवक्ता छुम्बी लामाको तर्क छ।
यद्यपी उनले प्रिमियम टिकटका लागि थप गरिएको सुविधाको विषयमा भने प्रष्ट पार्न सकेनन्।
यी तीन जोनलाई प्रिमियम जोन बनाउँदा कम्तीमा पनि चार हजार सिटको टिकट दोब्बर बढेको छ।
एनपिएलमा अहिले टिकटको माग उच्च छ। जसका कारण अधिकांशका खेलका टिकट सोल्ड आउट भएका थिए।
एनपिएलको टिकट खल्ती एपबाट काट्न सकिन्छ। टिकटको माग उच्च भए पनि खल्तीले टिकट खुलाउने समय सार्वजनिक भने गर्ने गरेको छैन। जसका कारण टिकट काट्न अधिकांश समर्थक अन्योलमा पर्ने गरेका छन्।
प्लेअफका लागि क्यानले प्रिमियम जोनको संख्या बढाएसँगै कतिपय दर्शकले भने विरोध गरेका छन्। उनीहरूले क्यानले बिनासूचना टिकट मूल्य बढाएको भन्दै सामाजिक सञ्जालमा आक्रोश ब्यक्त गरेका छन्।
यता एनपिएलमा पासको पनि दुरूपयोग भएकोमा क्यानका पदाधिकारी नै असन्तुष्ट छन्।
यस्तै, टिमका मालिकसहित विद्यार्थी युनियनका दिएका पासमा पनि दुरूपयोग भएका छन्। यस्तै पत्रकारको पास पनि दुरूपयोग हुँदा असम्बन्धित व्यक्ति त्रिवि मैदान छिरेका थिए। खेलाडीका परिवारको पास लिएर छिरेका केही व्यक्तिबीच झगडा समेत भएको थियो।
-1763886130.jpeg)
-1746009348.jpg)
