म्यानचेस्टर सिटीले इप्सविच टाउनविरूद्ध सानदार जित निकालेको छ।
इंग्लिस प्रिमियर लिग अन्तर्गत गएराति भएको खेलमा सिटीले इप्सविचलाई ६-० गोलले पराजित गरेको हो।
इप्सविचविरूद्धको जितमा फोडेनले दुई गोल गरे।
२७ मिनेटमा उनले पहिलो गोल गर्दै टिमलाई अग्रता दिलाएका थिए। ३० मिनेटमा कोभ्यासिकले अग्रता दोब्बर पारे। ४२ मिनेटमै फोडेनले व्यक्तिगत दोस्रो गोल गरे।
दोस्रो हाफको ४९ मिनेटमा जेरेमी डोकुले गोल गरे। ५७ मिनेटमा एर्लिङ हालान्ड र ६९ मिनेटमा जेम्स मिकाटीले गोल गरेपछि सिटीले सानदार जित हासिल गरेको हो।
जितसँगै ३८ अंक बनाएर सिटी अंक तालिकाको चौथो स्थानमा उक्लिएको छ। इप्सविच टाउन १८ औं स्थानमा छ।
