नेपाल पुलिस क्लब ललित स्मृति एन्फा यू-१८ युथ लिग २०२४ को च्याम्पियन बनेको छ।
डबल राउन्ड रोबिनको आधारमा भएको लिगको अन्तिम खेलअघि पुलिसले ४८ अंक जोडेको छ। दोस्रो स्थानको न्युरोड टिमको ४४ अंक हुँदा पुलिस एक खेलअघि नै च्याम्पियन बनेको हो।
एन्फा कम्प्लेक्समा भएको मंगलबारको खेलमा चर्च ब्वाइजलाई २–१ ले हराएपछि पुलिस युथ लिग २०२४ को उपाधि जित्न सफल भयो।
नेपाल पुलिसका लागि विक्रम गौतम र सुवास बमले गोल गरे। चर्च ब्वाइजका लागि सोयम निमा पाखरिन लामाले एकलाई फिर्ता लिए।
लिगमा १२ टोलीले भाग लिएका छन्।
अंक तालिका
