नेपाली राष्ट्रिय फुटबल टिमका कप्तान तथा नम्बर एक गोलकिपर किरण चेमजोङ प्रिमियर इन्टरनेसनल वर्ल्ड आइबी स्कुलको ब्रान्ड एम्बासडर नियुक्त भएका छन्।
उनलाई स्कुल स्पोर्ट्स एम्बासडरको रुपमा नियुक्त गरिएको जनाइएको छ।
खुमलटारस्थित स्कुलमा आयोजना भएको कार्यक्रममा अखिल नेपाल फुटबल संघ (एन्फा) का अध्यक्ष कर्माछिरिङ शेर्पा, स्कुलका प्रबन्ध निर्देशक बसन्त थापा, निर्देशक पवित्रा लिम्बु लगायतको उपस्थिति रहेको थियो।
प्रिमियर स्कुलका प्रबन्ध निर्देशक थापाले किरणलाई सम्झौता पत्र प्रदान गरेका थिए। स्कुलको ब्रान्ड एम्बासडर नियुक्त भएपछि कप्तान किरणले नयाँ भूमीका खुसी भएको बताए।
उनले राष्ट्रिय स्तरको खेलाडी उत्पादन गर्ने कार्यक्रमको हिस्सा बन्न पाएको खुसी भएको पनि बताए। ब्रान्ड एम्बासडरको रुपमा अब किरणले स्कुलका खेलकुद गतिविधिमा सहभागी हुनेछन्।
स्कुलका प्रबन्ध निर्देशक थापाले स्कुलका खेलाडीका लागि व्यवसायिक तालिम दिन स्पोर्ट्स एकेडेमी स्थापना गर्ने जानकारी दिए।
-1746009348.jpg)
