फिफा विश्वकप २०२२ अन्तर्गत एसिया छनोटमा इरान र अस्ट्रेलियाले लगातार दोस्रो खेलमा जित निकालेका छन्।
एसिया छनोटको तेस्रो चरणमा समूह 'ए' मा रहेको इरानले दोस्रो खेलमा इराकलाई ३-० गोलले पराजित गर्यो।
यो समूहको अर्को खेलमा दक्षिण कोरियाले लेवनानलाई १-० गोलले हराएको छ भने सिरिया र युएईले १-१ गोलको बराबरी खेलेका छन्।
समूहमा इरान ६ अंक जोड्दै शीर्ष स्थानमा छ। दक्षिण कोरिया ४ अंक जोडेर दोस्रो स्थानमा छ भने तेस्रो स्थानको युएईको २ अंक छ भने चौथो स्थानको सिरिया, पाँचौ स्थानको लेवनान र छैटौं स्थानको इराकको १-१ अंक छ।
यता समूह 'बी' मा अस्ट्रेलिया, साउदी अरेबिया र जापान विजयी भएका छन्। जापानले चीनलाई १-० गोलले हरायो। अस्ट्रेलियाले भियतनाम र साउदी अरेबियाले ओमानलाई समान १-० गोलले पराजित गरेका छन्।
समूहको शीर्ष स्थानको अस्ट्रेलियाको ६ अंक छ। दोस्रो स्थानको साउदी अरेबियाको पनि ६ अंक नै छ।
तेस्रो स्थानमा रहेको ओमानको ३ अंक रहदा जापान पनि ३ अंक जोडेर चौथो स्थानमा छ। जापान अघिल्लो खेलमा ओमानसँग पराजित भएको थियो। भियतनाम र चीनले भने अंक जोड्न सकेका छैनन्।
तेस्रो चरणमा दुवै समूहका शीर्ष दुई दुई टिम गरी चार टिम एसियाबाट विश्वकपका लागि छनोट हुनेछन्। तेस्रो हुने दुई टिमले प्लेअफमार्फत विश्वकपमा स्थान बनाउने सम्भावना रहन्छ।
-1746009348.jpg)
