फिफा विश्वकप २०२२ अन्तर्गत युरोपियन छनोटमा पोर्चुगलले सहज जित हात पारेको छ।
मंगलबार राति भएको खेलमा पोर्चुगलले अजरबैजानलाई ३-० गोलले पराजित गर्यो। पोर्चुगलको जितमा बर्नान्डो सिल्भा, आन्द्रे सिल्भा र जोटाले एक एक गोल गरे।
समूह 'ए' मा पोर्चुगलको ५ खेलबाट १३ अंक छ।
अर्को खेलमा फ्रान्सले फिनल्यान्डलाई २-० गोलले पराजित गर्यो। फ्रान्सको जितमा दुवै गोल एन्टोनी ग्रिजम्यानले गरे।
समूह 'डी' मा रहेको फ्रान्स १२ अंक जोडेर शीर्ष स्थानमा छ।
समूह 'जी' को खेलमा नेदरल्यान्ड्सले सानदार जित हात पारेको छ। नेदरल्यान्ड्सले टर्कीलाई ६-१ गोलले पराजित गर्यो।
नेदरल्यान्ड्सको जितमा डिपाएले ह्याट्रिक गर्दा क्लासेन, मालेन र टिलले एक एक गोल थपे।
यहि समूहको अर्को खेलमा नर्वेले जिबाल्टरलाई ५-१ गोलले पराजित गरेको छ। नर्वेको जितमा इर्लिङ हाल्यान्डले ह्याट्रिक गरे।
समूह 'जी' मा शीर्ष स्थानको नेदरल्यान्ड्सको १३ अंक छ। नर्वे पनि समान अंक जोड्दै दोस्रो स्थानमा छ।
-1746009348.jpg)
