बालगोपाल महर्जन नेपालको यू-२३ टिमको प्रशिक्षक नियुक्त भएका छन्।
उनलाई एएफसी यू-२३ छनोट प्रतियोगिताका लागि प्रशिक्षक नियुक्त गरिएको अखिल नेपाल फुटबल संघ (एन्फा) ले जनाएको छ।
महर्जन यसअघि नेपाली राष्ट्रिय टिमको प्रशिक्षक थिए। विश्वकप छनोटका लागि प्रो लाइसेन्स प्राप्त प्रशिक्षक चाहिने भएपछि उनको स्थानमा कुवेतका अब्दुल्लाह अलमुताइरी नेपालको प्रशिक्षक नियुक्त भएका थिए।
एन्फाले नेपालले यू-२३ टिमको सहायक प्रशिक्षकमा रोजित केसी तथा गोलकिपर प्रशिक्षकमा ललित चन्दलाई नियुक्त गरेको छ।
नेपालले यू-२३ छनोटमा इरान, लेवनान र ताजकिस्तानसँग खेल्दैछ।
ताजकिस्तानमा हुने प्रतियोगितामा नेपाल समूहमा बीमा छ। छनोट आगामी अक्टोबर अन्तिम साता हुनेछ।
-1746009348.jpg)
