फिफा विश्वकप २०२२ को दक्षिण अमेरिकी छनोटमा ब्राजिलले लगातार सातौं जित हात पारेको छ।
ब्राजिलले शुक्रबार भएको खेलमा चिलीलाई १-० गोलले पराजित गर्यो।
ब्राजिलको जितमा रिबेइरोले गरेको गोल निर्णायक बन्यो। उनले ६४ मिनेटमा गोल गरेका थिए।
यता अर्जेन्टिनाले भेनेजुएलालाई ३-१ गोलले पराजित गर्यो।
अर्जेन्टिनाका लागि लाउटारो मार्टिनेजले पहिलो हाफको इन्जुरी टाइममा गोल गरे।
७१ मिनेटमा जाओक्विन कोरिआले अर्जेन्टिनाको अग्रता दोब्बर पारेका थिए। एन्जल कोरियाले ७४ मिनेटमा तेस्रो गोल गरेसँगै अर्जेन्टिना जिततर्फ अघि बढेको थियो।
भेनेजुएलाका लागि सोटेल्डोले दोस्रो हाफको इन्जुरी टाइममा एक गोल फर्काए।
दक्षिण अमेरिकाको अंक तालिकामा ब्राजिल लगातार ७ खेलमा जित निकालेर २१ अंक जोड्दै शीर्ष स्थानमा छ।
अर्जेन्टिना १५ अंक जोड्दै दोस्रो स्थानमा छ। अर्जेन्टिनाले खेलेका सात मध्ये चार खेलमा जित र तीन खेलमा बराबरी खेलेको छ।इक्वेइडेर १२ अंकसहित तेस्रो स्थानमा छ।
-1746009348.jpg)
