निर्णायक खेलमा स्कटल्यान्डलाई पराजित गर्दै क्रोएसिया युरो २०२० को अन्तिम १६ मा पुगेको छ।
क्रोएसियाले समूह चरणको अन्तिम खेलमा स्कटल्यान्डलाई ३-१ ले हराएसँगै समूह 'डी' को उपविजेताको रुपमा अन्तिम १६ मा स्थान पक्का गरेको हो।
घरेलु टिम स्कटल्यान्डविरुद्ध क्रोएसियाका भ्लासिकले खेलको १७ मिनेटमा पहिलो गोल गरे।
४२ मिनेटमा स्कटल्यान्डका म्याकग्रेगोरले बराबरी गोल फर्काउन सफल भए।
६२ मिनेटमा लुका मोड्रिकले टिमका लागि दोस्रो गोल गरे। ७७ मिनेटमा पेरिसिकले तेस्रो गोल गरेपछि क्रोएसिया जिततर्फ अघि बढेको थियो।
यो समूहबाट इंग्ल्यान्ड समूह विजेता र चेक गणतन्त्र उत्कृष्ट तेस्रो टिमको रुपमा अन्तिम १६ मा पुगेका छन्।
इंग्ल्यान्डले चेकलाई १-० ले पराजित गर्दै समूह विजेताको रुपमा अन्तिम १६ मा स्थान पक्का गरेको हो।
यता हार पछि पनि चेक उत्कृष्ट तेस्रो टिमको रुपमा अन्तिम १६ मा पुग्यो। दुवै टिमले अन्तिम खेलअघि नै अन्तिम १६ मा स्थान बनाइसकेका थिए।
अंक तालिकामा इंग्ल्यान्डले ३ खेलबाट ७ अंक जोड्यो। ४ अंक जोड्यो क्रोएसिया दोस्रो भयो। तेस्रो बनेको चेकले ४ अंक बटुल्यो। स्कटल्यान्ड भने १ अंक जोड्दै बाहिरियो।
-1746009348.jpg)
