पोलिस स्ट्राइकर रोबर्ट लेवान्डोस्की जर्मन बुन्डेसलिगामा २५० गोल पूरा गर्ने तेस्रा खेलाडी बनेका छन्।
बुधबार राति बुन्डेसलिगाको खेलमा साविक विजेता वायर्न म्युनिखले वुल्भ्सवर्गलाई २-१ ले पराजित गरेको खेलमा लेवान्डोस्कीले दुवै गोल गरेका थिए।
बुन्डेसलिगामा सर्वाधिक गोल गर्ने कीर्तिमान गेर्ड मुलरको नाममा छ। आफ्नो खेल जीवनको अधिकांस समय वायर्न म्युनिखबाट खेलेका मुलरले बुन्डेसलिगामा ३५६ गोल गरेका थिए।
दोस्रो स्थानमा क्लाउस फिस्चर छन्। उनले बुन्डेसलिगामा २६८ गोल गरेका थिए। उनले आफ्नो खेल जीवनमा ११ वर्ष साल्केबाट खेलेका थिए।
लेवान्डोस्कीले वुन्डेसलिगामा वार्यनबाट २०१ खेलमा १७७ गोल र बोरुसिया डर्टमुन्डका लागि १३१ खेलमा ७४ गोल गर्दै बुन्डेसालिगामा गोल संख्या २५० कटाए।
जारी सिजनमा उनले वार्यनका लागि सबै प्रतियोगितामा गरी १८ गोल गरिसकेका छन्।
गत सिजनमा उनले क्लबका लागि ६४ खेल खेल्दा ७३ गोल गरेका थिए।
-1746009348.jpg)
