स्पेनिस ला लिगमा बार्सिलोनाले रियल सोसिडाडलाई पराजित गरेको छ। बुधबार राति भएको खेलमा बार्सिलोनाले २-१ को जित हात पारेको हो।
खेलमा अग्रता भने सोसिडाडले लियो। २७ मिनेटमा डा सिल्भाले गोल गरेर सोसिडाडलाई अग्रता दिलाए।
बार्सिलोनाले ३१ मिनेटमा बराबरी गोल फर्कायो। उसका लागि जोर्डी अल्भाले बराबरी गोल गरे।
४३ मिनेटमा डे जोङले गोल गर्दै बार्सिलोनालाई अग्रता दिलाएका थिए।
जितसँगै बार्सिलोना अंक तालिकाको पाँचौ स्थानमा उक्लिएको छ। बार्सिलोनाले १२ खेलबाट २० अंक जोडेको छ।
यता सोसिडाड भने दोस्रो स्थानमा झरेको छ। सोसिडाडको १४ खेलबाट २६ अंक छ।
शीर्ष स्थानको एट्लेटिको म्याड्रिडको ११ खेलबाट २६ अंक छ भने तेस्रो स्थानको रियल म्याड्रिडको पनि १३ खेलबाट समान २२ अंक छ।
भिल्लारियल १३ खेलबाट २२ अंक जोड्दै चौथो स्थानमा छ।
-1746009348.jpg)
