सिजनको युरोपियन च्याम्पियन्स लिगको अन्तिम १६ को ड्र सार्वजनिक गरिएको छ।
युरोपियन फुटबल महासंघ (युइएफए) ले सोमबार सार्वजनिक गरेको ड्रअनुसार स्पेनिस महारथी बार्सिलोना र फ्रेञ्च च्याम्पियन पिएसजीबीच अन्तिम १६ मा खेल हुने भएको हो।
साविक विजेता वायर्न म्युनिखले इटालियन क्लब लाजियोसँग खेल्नेछ। अन्य खेलमा रियल म्याड्रिडले एटलान्टासँग भिड्नेछ भने लिभरपुल र लाइपजिगबीच खेल हुनेछ।
इंग्लिस क्लब म्यानचेस्टर सिटीले जर्मन क्लब बोरुसिया मुन्छेनग्लाडबाखसँग भिड्नेछ। एट्लेटिको र चेल्सीबीच खेल हुँदा सेभिया र बोरुसिया डर्टमुन्टले अन्तिम १६ मा प्रतिस्पर्धा गर्नेछन्।
अन्तिम १६ को पहिलो लेग फेब्रुअरी १६, १७, २३ र २४ मा हुनेछ। दोस्रो लेग मार्च ९, १०, १६ र १७ मा संचालन गरिनेछ।
क्वार्टरफाइनल र सेमिफाइनल अप्रिलमा हुनेछ। फाइनल १९ मेमा टर्कीको इस्तानबुलमा हुनेछ।
अन्तिम १६ को ड्र
म्यानचेस्टर सिटी भर्सेस बोरुसिया मुन्छेनग्लाडबाख
लाजियो भर्सेस वायर्न म्युनिख
एट्लेटिको म्याड्रिड भर्सेस चेल्सी
आरबी लाइपजिग भर्सेस लिभरपुल
एफसी पोर्टो भर्सेस युभेन्ट्स
सेभिया भर्सेस बोरुसिया डर्टमुन्ड
बार्सिलोना भर्सेस पिएसजी
एटलान्टा भर्सेस रियल म्याड्रिड