अर्जेन्टाइन फरवार्ड लिओनल मेसीले तलब कटौती स्वीकार नगरेमा क्लब छाड्ने बार्सिलोनाका अध्यक्षका एक प्रत्यासीले दाबी गरेका छन्।
अध्यक्षका प्रत्यासी इमिली रुसार्डका अनुसार कोरोना भाइरसका कारण बार्सिलोनाले गरेको तलब कटौतीले मेसीको भविष्य निर्धारण गर्नेछ।
गत सिजन अन्य क्लबमा जान मेसीले चाहे पनि बार्सिलोनाले रिलिज गरेको थिएन।
६ पटकका बालर डि'अर विजेता मेसी इंग्लिस क्लब म्यानचेस्टर सिटी जाने चर्चा चलेको थियो। अहिले मेसीलाई भित्र्याउन फ्रेञ्च क्लब पिएसजी र इटालीयन क्लब इन्टर मिलान पनि इच्छुक छन्।
मेसी क्लबमा बस्ने-नबस्ने विषयमा अन्योल भइरहेको बेला अध्यक्षका उम्मेदवार रुसार्डले तलब कटौतीको विषयमा कुरा गर्ने बताए।
उनले मेसीलाई तलब कटौती गर्न भन्ने र नमानेको अवस्थामा उनले क्लब छाड्न सक्ने बताए।
बार्सिलोनाको अध्यक्ष पदका लागि आगामी २४ जनावरीमा निर्वाचन हुँदैछ।
३३ वर्षीय मेसी र बार्सिलोनाबीचको सम्झौता आगामी जुनमा सकिँदैछ। जसका कारण मेसीले आगामी महिना अर्को क्लबमा जानका लागि पूर्वसम्झौता गर्न सक्नेछन्।
-1746009348.jpg)
