स्पेनिस ला लिगमा बार्सिलोनाले जित हात पारेको छ। बार्सिलोनाले आइतबार राति भएको खेलमा लेभान्तेमाथि १-० को जित हात पारेको हो।
बार्सिलोनाको जितमा स्टार खेलाडी लिओनल मेसीले गरेको गोल निर्णायक बन्यो।
मेसीले खेलको ७६ मिनेटमा गोल गरेका थिए। उनलाई गोल गर्न डच मिडफिल्डर डे जोङले पास उपलब्ध गराए।
लिगका अन्य खेलमा शीर्ष स्थानको रियल सोसिडाड बराबरीमा रोकिएको छ। सोसिडाडलाई एइबारले १-१ गोलको बराबरीमा रोकेको हो।
रियल बेटिस र चौथो स्थानको भिल्लारियलबीचको खेल पनि १-१ गोलको बराबरीमा सकिएको छ।
लिगको शीर्ष स्थानमा रहेको सोसिडाडको १३ खेलबाट २६ अंक छ। दुई खेल कम खेलेको दोस्रो स्थानको एट्लेटिको म्याड्रिडको पनि २६ अंक नै छ।
रियल म्याड्रिड १२ खेलबाट २३ अंक जोडेर तेस्रो स्थानमा छ। बार्सिलोना ११ खेलबाट १७ अंक जोड्दै आठौं स्थानमा छ।
-1746009348.jpg)
