स्पेनिस ला लिगाअन्तर्गत म्याड्रिड एर्बीमा रियल म्याड्रिड विजयी भएको छ।
शनिबार राति भएको खेलमा रियल म्याड्रिडले अंक तालिकाको शीर्ष स्थानमा रहेको एट्लेटिको म्याड्रिडलाई २-० ले हरायो।
जारी लिगमा एट्लेटिकोको यो पहिलो पराजय हो।
रियलको घरेलु मैदानमा भएको खेलमा १५ मिनेटमा कासेमिरोले गोल गर्दै रियललाई अग्रता दिलाए। उनलाई गोल गर्न क्रुसले पास उपलब्ध गराएका थिए।
६३ मिनेटमा एट्लेटिकोका ओब्लाकले आफ्नै पोस्टमा गोल गर्दा रियलले अग्रता दोब्बर पारेको थियो।
लिगका अन्य खेलमा सेभियाले गेटाफे तथा हेउस्काले अलाभेसलाई समान १-० गोलले हराएका छन्।
भ्यालेन्सिया र एथ्लेटिक बिल्बाओबीचको खेल २-२ गोलको बराबरीमा सकिएको छ।
अंक तालिकामा एट्लेटिको ११ खेलबाट २६ अंक जोड्दै शीर्ष स्थानमा छ।
दोस्रो स्थानको रियल सोसिडाडको १२ खेलबाट २५ अंक छ भने रियल म्याड्रिड १२ खेलबाट २३ अंक जोडेर तेस्रो स्थानमा उक्लिएको छ।
-1746009348.jpg)
