फ्रेञ्च राष्ट्रिय फुटबल टिमका फरवार्ड एन्टोनी ग्रिजम्यानले चिनियाँ कम्पनी हुवावेसँगको सम्झौता तोडेका छन्।
चिनियाँ टेक कम्पनी हुवावेले अल्पसंख्यक मुस्लिम विगर समुदायलाई दमन गर्न सहयोग गरेको भन्दै बिहीबार ग्रिजम्यानले साँझेदारी तोडेका हुन्।
स्पेनिस महारथी क्लब बार्सिलोनाका २९ वर्षीय फरवार्ड ग्रिजम्यानले केही मिडियाका रिपोर्टहरूलाई उदृत गर्दै विगर मुस्लिम समुदायमाथि निगरानी गर्नमा हुवावेको हात रहेको भन्दै साँझेदारी तोडेका हुन्।
उनी हुवावेका लागि ब्रान्ड एम्बास्डर थिए।
'हुवावेले फेस रिकग्निजिसन सफ्टवेयर (अनुहार चिन्ने सफ्टवेयर) को प्रयोग गरी विगर्सहरूमाथि निगरानी राखेर योगदान पुर्याएको भन्ने आशंकालाई आधार मानी म तुरून्तै कम्पनीसँगको साँझेदारी तोड्छु,' उनले इन्स्टाग्राममा पोस्ट गरेको विज्ञप्तीमा भनिएको छ।
ग्रिजम्यान र हुवावेबीच सन् २०१७ मा सम्झौता भएको थियो। त्यसयता उनी फ्रान्समा हुवावेका विभिन्न विज्ञापनमा देखिएका थिए।
-1746009348.jpg)
