योहान कालिनले नेपाली राष्ट्रिय फुटबल टिमको प्रमुख प्रशिक्षकबाट दिएको राजीनामा स्वीकृत भएको छ।
अखिल नेपाल फुटबल संघ (एन्फा) को बिहीबार बसेको कार्यसमिति बैठकले कालिनले दिएको राजीनामा स्वीकृत गर्ने निर्णय गरेको हो।
कालिनले गत नोभेम्बर १ देखि लागू हुने गरी राजीनामा दिएका थिए।
एन्फाले बालगोपाल महर्जनलाई कार्यबहाक प्रशिक्षकको जिम्मेवारी दिने निर्णय पनि गरेको छ।
स्विडिस नागरिक कालिन सन् २०१९ मार्च १ देखि नेपालको प्रशिक्षक नियुक्त भएका थिए।
उनले २०१९ मार्च २१ मा पहिलो खेल खेलाएका थिए। उनको प्रशिक्षणमा नेपालले ११ खेल खेल्यो। जसमा मलेसियन क्लब जोहार दारुल ताजिमविरुद्धको खेल पनि समावेश छ।
उनको प्रशिक्षणमा नेपालले एक खेलमा जित निकाल्दा दुई खेलमा बराबरी खेल्यो। यस्तै ८ खेलमा पराजित भयो।
कोरोना भाइरसले खेलकुद गतिविधि ठप्प भएपछि कालिन गत मार्च २७ मा स्विडेन पुगेका थिए। त्यसपछि उनी भ्रमण लगाइएको प्रतिबन्धका कारण नेपाल फर्कन सकेका थिएनन्।
-1746009348.jpg)
