खेलको अन्तिम समयमा लियोनार्डो बोनुचीले गरेको निर्णायक गोलमा साविक विजेता युभेन्टसले इटालियन सिरी ‘ए’ मा टोरिनोमाथि २–१ को संघर्षपूर्ण जित निकालेको छ।
टुरिन डर्बीमा कार्लो पिनसोग्लियोले अन्तिम समयमा रातो कार्डको सामना गरेपछि घरेलु टीम युभेन्टस १० खेलाडीमा सिमित भएको थियो।
त्यसअघि निकोलस एन कुलोउको गोलबाट टुरिनले नवौं मिनेटमा अग्रता लिएको थियो। ५७औं मिनेटमा युभेन्टसका जुवान कोउडार्डोले बराबरी गोल फर्काए पनि भिडिओ सहायक रेफ्रीले अफसाइड दिएका थिए।
खेलको ७८औं मिनेटमा कोउडार्डोकै पासमा वेस्टन म्याकेनीले बराबरी गोल फर्काए। ८९ औं मिनेटमा कोउडार्डोकै पासमा बोनुचीले गरेको गोल गर्दै युभेन्टसलाई महत्वपूर्ण जित दिलाए।
जितसँगै १० खेलबाट २० अंक जोडेको युभेन्टस तेस्रो स्थानमा उक्लिएको छ। शीर्ष स्थानमा रहेको एसी मिलान तीन अंकले अघि छ। यस्तै एक खेल कम खेलेको इन्टर मिलान २१ अंकसहित दोस्रो स्थानमा छ।
-1746009348.jpg)
