स्पेनिस ला लिगामा बार्सिलोना पराजित भएको छ। बार्सिलोनालाई शनिबार राति भएको खेलमा काडिजले २-१ गोलले पराजित गर्यो।
खेलको आठौं मिनेटमा गिमेनेजले गोल गरेर काडिजलाई अग्रता दिलाए। ५७ मिनेटमा काडिजका अल्कालाले आफ्नै पोस्टमा गोल गर्दा बार्सिलोनालाई फाइदा पुग्यो।
६३ मिनेटमा नेग्रेडोले गोल गर्दै काडिजलाई दोस्रो पटक अग्रता दिलाएका थिए।
यता साविक विजेता रियल म्याड्रिडले सेभियालाई १-० ले पराजित गर्यो।
रियलले आत्माघाती गोलको साहाराले जित निकालेको हो। सेभियाका बोनोले ५५ मिनेटमा आफ्नै पोस्टमा गोल गरेपछि रियललाई फाइदा पुगेको थियो।
अर्को खेलमा रियल भालडोलिडलाई २-० ले पराजित गर्दै एट्लेटिको म्याड्रिड अंक तालिकाको शीर्ष स्थानमा उक्लिएको छ।
अंक तालिकामा एट्लेटिको १० खेलबाट २६ अंक जोड्दै शीर्ष स्थानमा छ।
दोस्रो स्थानको रियल सोसिडाडको ११ खेलबाट २४ अंक छ। रियल म्याड्रिड ११ खेलबाट २० अंक जोड्दै तेस्रो स्थानमा छ। चौथो स्थानको भिल्लारियलको पनि २० अंक नै छ।
बार्सिलोनालाई हराएको काडिज १८ अंकसहित पाँचौ स्थानमा छ। बार्सिलोना भने १० खेलबाट १४ अंक जोड्दै सातौं स्थानमा छ।
-1746009348.jpg)
