वर्सेस्टरसायरका ब्याट्सम्यान रोस विट्ले ६ बलमा ६ छक्का प्रहार गरेका छन्। उनले आइतबार हेडिङ्लेमा भएको इङ्लिस काउन्टी टि–२० खेलमा योर्कसायरविरुद्ध एकै ओभरमा ६ छक्का प्रहार गरेका हुन्।
देब्रे हाते ब्याट्सम्यान रोसले योर्कसायरका देब्रे हाते स्पिनर कार्ल कार्भरको १६ औं ओभरमा ६ छक्का प्रहार गरेका थिए। उनले २६ बलमा ६५ रन बनाएपछि वर्सेस्टरसायरले ७ विकेटको क्षतिमा १ सय ९६ रन बनाएको थियो। तर पनि वर्सेस्टरसायर ३७ रनले पराजित भयो।
पहिलो श्रेणी क्रिकेटमा ६ बलमा ६ छक्का प्रहार गर्ने पहिलो ब्याट्सम्यान वेष्ट इन्डिजका पूर्व कप्तान गेरी सोबर्स थिए। उनले नटिङ्घमसायरबाट १९६८ मा स्वान्सेमा खेल्ने क्रममा ग्लोमोर्गनका माल्कम नासविरुद्ध काउन्टी च्याम्पियनसिपमा ६ छक्का प्रहार गरेका थिए।
भारतका रवी शास्त्री र युवराज सिंह, दक्षिण अफ्रिकाका हर्सल गिब्सले पनि ६ छक्का प्रहार गरेका छन्।
