नेपाल र वेस्ट इन्डिजबीच आगामी असोज दोस्रो साता हुने युनिटी कप टी-२० सिरिजमा वेस्ट इन्डिजका पूर्व क्रिकेटर तथा चर्चित क्रिकेट कमेन्टेटर इयान बिशपले कमेन्ट्री गर्ने भएका छन्।
उनले कमेन्ट्री गर्ने समाचारको पुष्टि नेपाल क्रिकेट संघ (क्यान) ले गरेको छ। क्यानले बिशपको सन्देश सार्वजनिक गरेको हो।
बिशपले प्रसारण टोलीको हिस्सा हुन पाउँदा खुशी व्यक्त गरेका छन् र नेपाली जनताप्रतिको आफ्नो गहिरो प्रेम र सम्मान प्रकट गरेका छन्।
उनले नेपालको क्रिकेटप्रतिको जोश र उत्साहको प्रशंसा गर्दै खेलले एकता र सान्त्वना दिन आशा व्यक्त गर्छन्।
बिशपले नेपाली टोलीले देशलाई गर्व महसुस गराउने विश्वास व्यक्त गर्दै ठूला मुद्दाहरूमा पनि क्रिकेटले राहत प्रदान गर्न सक्ने बताएका छन्। उनले दर्शकलाई खेल हेर्न अनुरोध गर्दै नेपालका सबैप्रति आफ्नो शुभकामना व्यक्त गरेका छन्।
युएईको शारजाहमा सिरिजका खेलहरू आगामी असोज ११, १३ र १४ गते हुँदैछ। नेपालले पहिलो पटक आइसिसीको पूर्ण सदस्यसँग टी-२० सिरिज खेल्न लागेको हो।
ओमानमा हुने टी-२० विश्वकप छनोटको तयारीका लागि नेपालले दुई पटकको टी-२० विश्वकप विजेता वेस्ट इन्डिजसँग सिरिज खेल्न लागेको हो।
वेस्ट इन्डिजसँग सिरिज खेले लगत्तै नेपाली टोली त्यतैबाट विश्वकप छनोट खेल्न ओमान जानेछ। ओमानमा नौ टोलीबीच हुने छनोटमा शीर्ष तीन टोली भएमा नेपाल लगातार दोस्रो पटक र समग्रमा तेस्रो पटक टी-२० विश्वकपमा छनोट हुनेछ।
नेपाली टोली
१ रोहित कुमार पौडेल (कप्तान)
२ दीपेन्द्रसिंह ऐरी (उपकप्तान)
३ कुशल भुर्तेल
४ लोकेस बम
५ कुशल मल्ल
६ आसिफ सेख
७ आदिल अन्सारी
८ करण केसी
९ नन्दन यादव
१० सन्दीप लामिछाने
११ सन्दीप जोरा
१२ आरिफ सेख
१३ ललितनारायण राजवंशी
१४ गुलशन झा
१५ सोमपाल कामी
१६ साहब आलम
-1758097727.jpg)
-1746009348.jpg)
