कीर्तिपुरस्थित त्रिवि क्रिकेट मैदान अहिले पुनर्निर्माणको क्रममा छ। हालसम्मलाई देशको एकमात्र अन्तर्राष्ट्रिय क्रिकेटको भार थेग्दै आएको कीर्तिपुर मैदानमा १० हजार सिट क्षमताको प्यारापिट निर्माण र फ्लड लाइट जडान हुने क्रममा छ।
यसअघि गत वैशाख २४ मा सक्ने योजना रहेको पुनर्निर्माणको असार मसान्तसम्मका भाका तोकिएको थियो।
शहरी विकास मन्त्रालयअन्तर्गत बन्न लागेको मैदानको तोकिएको काम असार मसान्तसम्म पनि नसकिने भएको छ।
मन्त्रालयले निर्माण कार्य धमाधम भइरहेको र सकेसम्म चाडो सक्ने जनाएको छ।
१० हजार सिट क्षमताको प्यारापिट निर्माण हुनेछ भने ६ वटा फ्लड लाइट जडान गरिनेछ। प्यारापिटमा छाना भने हुनेछैन। तर सिट भने जडान गरिनेछ।
अहिले निर्माण हुने संरचना रंगशालाको ‘मास्टर प्लान’ को अंश मात्र हो। बाँकी काम यो आगामी वर्ष गरिने मन्त्रालयको योजना छ।
फ्लड लाइट र १० हजार सिट क्षमताको रंगशाला तयार भएपछि पार्किङ, थप संरचना र बाँकी प्यारापिट निर्माण गरिनेछ।
मैदानको प्यारापिट बनाउन बिकेओआई-केसीडिसी-बिजी जेभीले ४३ करोड ७७ लाख ३० हजार ११३.०३ रुपैयाँमा ठेक्का पाएको थियो।
फ्लडलाइट जडानका लागि भने ललितपुरको विशन-इश्वरी जोइन्ट भेन्चरले ठेक्का पाएको छ। कम्पनीले ४२ करोड १९ लाख ९१ हजार ६ सय ५३ रुपैयाँमा ठेक्का पाएको हो।
-ink-1749897507-1751452008.jpeg)
-copy-1745411477.jpg)
-1746009348.jpg)
