सिद्धार्थ बैंक नेपाल प्रिमियर लिग (एनपिएल) का लागि सुदूरपश्चिम रोयल्सले क्यानेडियन अलराउन्डर दिलप्रित सिंह बजवालाई भित्र्याएको छ।
यसअघि टोलीमा रहेका युएईका अलराउन्डर रोहन मुस्ताफा पारिवारिक कारणले फर्किएको प्रशिक्षक जगत टमाटाले बताए। जसका कारण उसले शनिबार लुम्बिनी लायन्सविरुद्धको खेलमा तीन जना विदेशी खेलाडी मात्र खेलाएको थियो।
एनपिएलमा चार जना विदेशी खेलाडी खेलाउने नियम भए पनि मुस्ताफा स्वदेश फर्किएपछि तीन जना मात्र खेलाडी खेलाउन बाध्य भएको प्रशिक्षक टमाटाको भनाइ छ।
टोलीमा भित्रिएका दिलप्रितले क्यानडाका लागि ६ एकदिवसीय र १२ टी-२० खेलेका छन्। पछिल्लो पटक उनले क्यानडामा नेपालविरूद्ध एकदिवसीय र टी-२० सिरिज खेलेका थिए।
एनपिएलमा उत्कृष्ट लयमा रहेको सुदूरपश्चिमले लगातार तीन जित निकाल्दा शीर्ष स्थानमा छ।
