सिद्धार्थ बैंक नेपाल प्रिमियर लिग (एनपिएल) मा लुम्बिनी लायन्सले सुदुरपश्चिम रोयल्सविरूद्ध टस जितेको छ।
कीर्तिपुरस्थित त्रिवि मैदानमा शनिबार हुने पहिलो खेलमा लुम्बिनीले टस जितेर फिल्डिङ रोजेको हो।
लयमा रहेको सुदुरपश्चिमले यसअघिका दुवै खेलमा जित निकालेको थियो।
लुम्बिनी भने दुवै खेलमा पराजित भएको थियो।
पहिलो खेलमा १९१ रन र दोस्रो खेलमा १७० रन बनाउदा पनि लुम्बिनीले खराब बलिङका कारण खेल गुमाएको थियो।
