आइसिसी पुरुष विश्वकप क्रिकेट लिग–२ को त्रिकोणात्मक शृङ्खलाअन्तर्गत स्कटल्यान्ड र नेपालबीच वर्षाका कारण रद्द भएको छ।
६ ओभर खेलेपछि खेल रोकिएको थियो।
अमेरिकाको डालसस्थित ग्राउण्ड प्रेरी क्रिकेट रङ्गशालामा टस हारेर पहिला ब्याटिङको निम्तो पाएको नेपालले १ ओभरमा २ रन बनाएपछि वर्षा भएको थियो।
वर्षाका कारण रोकिएको खेल सुरु भएर छ ओभर खेलेपछि मौमस प्रतिकूल भई पुनः रोकिएको थियाे।
पहिला ब्याटिङ गरेको नेपालले छ ओभरको खेलमा १ विकेट गुमाउँदै २६ रन बनाएपछि पुनः भएको वर्षाका कारण खेल रोकिएको हो।
यससँगै सिरिजमा नेपालले ३ अंक जोड्न सक्यो। यसअघि नेपालले स्कटल्यान्डलाई हराउँदा अमेरिकासँगको दुवै खेल गुमाएको थियो।
लिग-२ मा नेपाल ६ अंक जोडेर अंक तालिकाको सातौं स्थानमा छ। नेपालले दुई खेलमा जित निकाल्दा दुई खेल वर्षाका कारण रद्द भएको छ। बाँकी ८ खेलमा नेपाल पराजित भइसकेको छ।
