चेन्नई सुपरकिंग्सले दिएको २०१ रनको लक्ष्य पार गर्दै पञ्जाव किंग्सले ४ विकेटको जित हात पारेको छ।
अन्तिम बलमा ३ रन चाहिएको अवस्थामा पञ्जावका सिकन्दर राजाले तीन रन नै जोड्दै आफ्नो टिमलाई रोमाञ्चक जित दिलाए।
त्यसअघि पञ्जाबका लागि प्रभस्रिमन सिंहले ४२ रन जोडे भने लियाम लिभिङस्टोनले ४० रन बटुले।
बलिङमा चेन्नईका तुसार देशपाण्डेले ३ विकेट लिए। टस जितेर पहिले ब्याटिङ गरेको चेन्नईले ४ विकेटको क्षतिमा २०० रन जोड्यो।
उसका लागि डेभन कनवेले नटआउट ९२ रन जोडे। उनले ५२ बलमा १६ चौका र १ छक्का प्रहार गरे।
अंक तालिकामा १०-१० अंक जोडेका चेन्नई र पञ्जाब चौथो र पाँचौ स्थानमा छन्।