एसिसी प्रिमियर कपमा तेस्रो भएसँगै ओमान इमर्जिङ टिम्स एसिया कपमा छनोट भएको छ।
आइतबार कीर्तिपुरस्थित त्रिवि मैदानमा कुवेत र ओमानबीचको तेस्रो स्थानको खेल वर्षाका कारण सम्भव हुन सकेन।
मैदान चिसो भएका कारण सुपर ओभर समेत सम्भव नभएपछि समूह चरणको वरीयताका आधारमा ओमानलाई तेस्रो भएको घोषणा गरियो।
यसअघि फाइनलमा पुगेका नेपाल र युएई पनि टिम्स एसिया कपमा छनोट भएका थिए।
एसियाली क्रिकेट काउन्सिल (एसिसी) ले आयोजना गर्ने इमर्जिङ टिम्स एसिया कपमा जुलाईमा हुनेछ। जहाँ भारत, पाकिस्तान, श्रीलंका, अफगानिस्तान र बंगलादेशका यू-२३ टिमले भाग लिनेछन्।
एसिसीले एसियाका एसोसिएट टिमलाई एक्सपोजर दिन इमर्जिङ टिम्स एसिया कप आयोजना गर्दै आएको छ।
-1746009348.jpg)
