मिचेल मार्शको अलराउन्ड प्रदर्शनका बाबजुद दिल्ली क्यापिटल्स सनराइजर्स हैदराबादसँग पराजित भएको छ।
इन्डियन प्रिमियर लिग (आइपिएल) अन्तर्गत गएराती भएको खेलमा हैदराबादले दिल्लीलाई ९ रनले हराएको हो।
१९८ रनको लक्ष्य पछ्याएको दिल्लीले २० ओभरमा ६ विकेट गुमाउँदै १८८ रनमात्रै बनाउन सक्यो।
दिल्लीका लागि मिचेल मार्श र फिल सल्टले अर्धशतक प्रहार गरे।
मार्शले ३९ बदलमा १ चौका र ६ छक्का प्रहार गरी ६३ रन बनाउँदा सल्टले ३५ बलमा ९ चौका प्रहार गर्दै ५९ रन बनाए।
अक्षर पटेलले १४ बलमा १ चौका र २ छक्का प्रहार गरी नटआउट २९ रन बनाउँदा प्रियम गार्गले १२ रनको योगदान गरे।
बलिङतर्फ हैदराबादका मयंक मारकन्डेले दुई विकेट लिए भने भुवनेश्वर कुमार, अकिल होसेन, नटराजन र अभिषेक शर्माले एक एक विकेट लिए।
अरूण जेट्ली स्टेडियममा टस जितेर पहिले ब्याटिङ गरेको हैदराबादले ६ विकेटको क्षतिमा १९७ रन बनाएको थियो।
हैदराबादका लागि अभिषेक शर्माले सर्वाधिक ६७ रन बनाए। ३६ बल खेलेका शर्माले १२ चौका र १ छक्का प्रहार गरे।
त्यस्तै हेनरिच क्लासनले २७ बलमा २ चौका र ४ छक्का प्रहार गर्दैं ५३ रन बनाए। त्यस्तै अब्दुल शामदले २१ बलमा १ चौका र २ छक्का प्रहार गरी २८ रनको योगदान गरे।
बलिङतर्फ दिल्लीका मिचेल मार्शले चार विकेट लिए। इशान्त शर्मा र अक्षर पटेलले एकएक विकेट लिए।
-1746009348.jpg)
