नेपालको क्रिकेट टोलीका कप्तान रोहितकुमार पौडेलले भारत र पाकिस्तानसँग खेल्नु ठूलो अवसर भएकाले पनि फाइनल खेल महत्वपूर्ण भएको बताएका छन्।
शनिबार एसिसी प्रिमियर कपको कुवेतविरूद्धको सेमिफाइनल खेल वर्षाका कारण रद्द भएपछि नेपाल फाइनलमा पुगेको छ। सोमबार हुने फाइनलमा नेपाल युएईसँग भिड्दैछ।
सेमिफाइनल खेलपछि पत्रकारहरूसँग कुराकानी गर्दै कप्तान पौडेलले भारत र पाकिस्तानसँग खेल्नु ठूलो अवसर भएकाले पनि फाइनल खेल महत्वपूर्ण भएको बताएका हुन्।
‘भारत र पाकिस्तानसँग खेल्नु हाम्रा लागि ठूलो अवसर हो। त्यसैले फाइनल हाम्रो लागि धेरै महत्त्वपूर्ण छ,’ उनले भने, ‘हामीले फाइनल खेललाई जस्तो छ, त्यस्तै लिनेछौं। युएईविरूद्ध खेल्नु दबाबको कुरा हो। जुन टिमले यसलाई राम्रोसँग सम्हाल्छ उसले जित्न सक्छ।’
कुवेतविरूद्धको खेलमा सुरूमा टस हारेर ब्याटिङ गरेको नेपालले २८१ रनको लक्ष्य प्रस्तुत गरेको थियो। तर कुवेतले ब्याटिङ गरेको केहीबेरमै वर्षा हुन थालेको थियो।
कुवेतले ८.३ ओभरमा ६ विकेटको क्षतिमा ३७ रन जोड्दा खेल वर्षाले रोकिएको थियो। नेपालका लागि करण केसीले ५ विकेट र सोमपाल कामीले एक विकेट लिएका थिए।
त्यसपछि वर्षा हुन थालेपछि खेल हुन नसक्दा रद्द गरिएको थियो। यता युएईले पनि ओमानलाई डिएलएस मेथडबाट पराजित गरेको हो।
मुलपानी मैदानमा भएको ओमान र यूएईबीचको अर्को सेमिफाइनलमा खेल पनि वर्षाले प्रभावित भयो। जसका कारण युएई डिएलएस मेथडमा २ रनले विजयी हुँदै फाइनलमा पुग्यो।
पहिले ब्याटिङ गरेको युएई ४ बल खेल्न बाँकी छदा २३६ रनमा अलआउट भयो।
२३७ रनको लक्ष्य पछ्याएको ओमानले ४३ ओभरमा ६ विकेटको क्षतिमा १९० रन बनाउदा खेल वर्षाले रोकिएको थियो।
अब उपाधिका लागि यूएई र नेपालबीच आगामी सोमबार कीर्तिपुर मैदानमा खेल हुनेछ।
यो खेल जित्ने टिम एसिया कपमा छनोट हुनेछ। एसिया कपमा छनोट भएको टिमले भारत र पाकिस्तान सम्मिलित समूहमा प्रतिस्पर्धा गर्नेछ।
सम्बन्धित समाचारहरू: नेपालले उपाधिका लागि यूएईसँग भिड्ने
करण केसी एक्लैले लिए कुवेतको पाँच विकेट
क्रिकेट टोलीलाई सरकारले उचित सम्मान गर्छ: प्रधानमन्त्री प्रचण्ड
-1746009348.jpg)
