एसिसी प्रिमियर कपअन्तर्गत नेपाल र कुवेतबीचको खेल वर्षाका कारण फेरि अवरुद्ध भएको छ।
कीर्तिपुर मैदानमा नेपालले दिएको २८१ रनको लक्ष्य पछ्याएर कुवेतले ब्याटिङ गरिरहँदा खेल वर्षाका कारण रोकिएको हो।
खेलमा कुवेतले ८.३ ओभरमा ६ विकेटको क्षतिमा ३७ रन बनाउँदा खेल रोकिएको हो।
कुवेतविरूद्ध नेपालका करण केसी एक्लैले पाँच विकेट लिइसकेका छन्। एक विकेट सोमपाल कामीले लिएका हुन्। यसअघि पनि खेल वर्षाका कारण प्रभावित बनेको थियो।
प्रभावित हुँदा ५० ओभरको खेललाई ४२ ओभरमा झारेको थियो। यस्तै २८२ रनको लक्ष्यलाई पनि डिएलएस मेथडबाट २८१ रनको लक्ष्य बनाएको हो।
यो पनि: करण केसी एक्लैले लिए कुवेतको पाँच विकेट
एसिसी प्रिमियर कप क्रिकेट अन्तर्गत कुवेतविरूद्धको सेमिफाइनल खेलमा करण केसीले पाँच विकेट लिएका छन्।
कीर्तिपुरस्थित अन्तर्राष्ट्रिय क्रिकेट मैदानमा पहिले टस हारेर ब्याटिङ गरेको नेपालले कुवेत सामु २८१ लक्ष्य प्रस्तुत गरेको थियो। त्यसमा डिएलएस मेथडबाट २८१ रन लक्ष्य राखिएको थियो।
सुरूमा बलिङ गरेका करण केसीले रन नदिइ पहिलो विकेट लिएका थिए। उनले अड्नान एड्रिसको विकेट लिएका हुन्।
त्यसपछि बलिङ गर्न आएका सोमपाल कामीले पर्विन्दर कुमारको विकेट लिएका हुन्। उनको एलबिडब्लुमार्फत विकेट लिइएको हो।
तेस्रो ओभरमा बलिङ गर्न आएका करण केसीले फेरि अर्को विकेट लिएका हुन्। उनले मिट भास्वरलाई ललित राजवंशीबाट क्याच गराए।
करण केसीले छैटौं ओभर सिराज खानको चौथो विकेट लिएका थिए। त्यस्तै आठौं ओभरमा मोहम्मद आस्लमको पाँचौं विकेट लिएका हुन्।
कुवेतले ८.३ ओभरमा ६ विकेट गुमाएर ३७ रन मात्र बनाएको छ।
-1746009348.jpg)
