वर्षाले प्रभावित एसिसी प्रिमियर कपको नेपाल र कुवेतबीचको सेमिफाइनल खेल अब ४२-४२ ओभरको हुने भएको छ।
यसअघि ५० ओभरबाट घटाइएर ४५ ओभरमा झारिए पनि फेरि वर्षा भएपछि खेल रोकिएको थियो।
सवा दुई घन्टा रोकिएको खेल एक बजे सुरु हुने भएको छ।
कीर्तिपुरस्थित त्रिवि मैदानमा टस हारेर पहिले ब्याटिङ गरेको नेपालले २३.२ ओभरमा ३ विकेटको क्षतिमा १४१ रन बनाउदा रोकिएको थियो।
नेपालका लागि रोहित पौडेल ३० रन र कुशल मल्ल ३२ रन बनाएर खेलिरहेका छन्।
ओपनरद्वय कुशल भुर्तेल ४३ रन र आसिफ शेख ३१ रन बनाएर आउट भए। यस्तै भीम सार्कीले एक रन मात्र जोड्न सके।
प्रतियोगिताको अर्को सेमिफाइनलमा ओमान र युएईबीच मुलपानीमा खेल भइरहेको छ।
-1746009348.jpg)
