नवौं राष्ट्रिय खेलकुदअन्तर्गत भारोत्तोलनमा नेपाल पुलिस क्लबकी विद्या राईले कीर्तिमानसहित स्वर्ण जितेकी छिन्।
उनले ८७ केजीभन्दा माथि तौल समूहको स्न्याचमा कीर्तिमान बनाउन सफल भइन्।
विद्याले स्न्याचमा ७६ केजी र क्लिन एन्ड जर्कमा ८८ केजी गरी कुल १६४ केजी भार उठाउँदै स्वर्ण जितिन्।
स्न्याचमा उनले एक केजी भार बढी उठाएर कीर्तिमान बनाएकी हुन्। यसअघि उनकै नाममा ७५ केजीको कीर्तिमान थियो।
एपिएफकी शिखा थापाले रजत र गण्डकीकी सिन्जल गुरुङले कास्य पदक जितेका छन्।
शिखाले स्न्याचमा ४० केजी र क्लिन एन्ड जर्कमा ५३ केजी गरी कुल ९३ केजी भार उचालिन्। गण्डकीकी सिन्जलले स्न्याचमा ४० र जर्कमा ५० केजी भार उठाएकी थिइन्।
