जिल्ला प्रहरी परिसर भद्रकालीको गेटबाटै फरार भएका थुनुवा पक्राउ परेका छन्।
बुधबार दिउँसो काठमाडौं जिल्ला अदालतबाट म्याद थप गरी परिसर लगिएका दोलखाका २४ वर्षीय निशान परियार फरार भएका थिए। उनलाई असनको यट्खाबाट पक्राउ गरिएको जिल्ला प्रहरी परिसर काठमाडौंका एसपी अपिलराज बोहराले जानकारी दिए।
उनी सात दिनअघि पक्राउ परेका थिए। उनीमाथि अभद्र व्यवहारको कसुरमा अनुसन्धान भइरहेको थियो। उनी प्रहरी वृत्त स्वयम्भूका थुनुवा हुन्।
उनीमाथि जिल्ला अदालतले अनुसन्धान गर्न पाँच दिन अनुमति दिएको थियो।
-1746009348.jpg)
