काभ्रेमा सोमबार बाढीले बगाएकी ३३ वर्षीया रेणुका गिरीलाई खोज्न कुकुर परिचालन गरिएको छ।
बाढीले बगाएको ४ दिनसम्म पनि महिला नभेटिएपछि उनलाई खोज्न ५ वटा कुकुर परिचालन गरिएको हो।
बिहीबार बिहान साढे ८ बजेदेखि कुकुर परिचालन गरेर खोज्ने काम भइरहेको जिल्ला प्रहरी कार्यालय काभ्रेका डिएसपी मीनबहादुर घलले जानकारी दिए।
'तीन दिनसम्म नभेटिएपछि आजदेखि कुकुर परिचालन गरिएको हो,' उनले भने।
सर्च एन्ड रेक्युको तालिम दिइएको तीन वटा र ट्याकरको तालिम दिइएको दुई वटा गरी ५ वटा कुकुर परिचालन गरिएको उनले बताए।
उनका अनुसार बेपत्ता भएकी महिलाको खोजी कार्यका लागि काभ्रेका विभिन्न कार्यालयबाट टोली खटिरहेका छन्। रोशी, भकुन्डेबेशी, मंगलटार, पनौती, खोपासी सबै युनिटहरूले खोज्ने काम गरिरहेका छन्। तर अहिलेसम्म भेटिएकी छैनन्।
सोमबार (वैशाख २९) साँझ ६ बजेतिर पनौती नगरपालिका-५ स्थित सुब्बा गाउँ नजिकै रहेको ढलमले ठाडो खोलाले रेणुकालाई बगाएको थियो।
काभ्रेमा सोमबार दिउँसो १ बजेदेखि साँझ पाँच बजेसम्म अविरल वर्षा भएको थियो। रेणुका खेतबारीमा काम गर्दै थिइन्। खेतबाट निस्किने क्रममा बगाएको डिएसपी घलले बताए।
उनी बेपत्ता भएको एक डेढ घन्टा नबित्दैदेखि सशस्त्र र प्रहरीले खोजिरहेको उनको भनाइ छ।
तस्बिरहरू:
-1747293366.jpg)
-1747293366.jpg)
-1747293365.jpg)
-1747293365.jpg)
-1747293366.jpg)
-1746009348.jpg)
