सामाजिक सञ्जालमा ट्राफिक प्रहरीले एक प्रहरीलाई कुटेको भिडिओ भाइरल भइरहेको छ।
बुधबार सामाजिक सञ्जालमा भाइरल भएको भिडिओमा ट्राफिक प्रहरीले एक तल्लो तहका प्रहरीलाई कुटेको देखिन्छ।
ट्राफिक प्रहरीले प्रहरीलाई सडकको बीचमा थप्पड हान्दै लछारपछार पारेका छन्। मोबाइल हेर्दै प्रहरीलाई लछारपछार पार्दै कुटपिट गरेको भिडिओमा देखिन्छ।
उक्त घटना बुधबार बिहानतिरको हो।
उक्त भिडिओ प्रहरी प्रभाग, नागढुंगाको भएको जिल्ला प्रहरी परिसर काठमाडौंका एसपी अपिलराज बोहराले जानकारी दिए।
किन कुटिएको हो? भन्नेबारे अनुसन्धान भइरहेको उनले जानकारी दिए।
कुटाइ खाने प्रहरी जवान भएको हुनसक्ने अनुमान गरिएको छ।
'के कारणले कुटिएको हो भन्नेबारेमा हामीले अनुसन्धान गरिरहेका छौं,' एसपी बोहराले भने।
