सशस्त्र प्रहरी बलको गोताखोरले सेती नदीमा बेपत्ता भएका बालकको शव निकालेको छ।
बुधबार दिउँसो दिपायल सिलगढी नगरपालिका-१ सिरखोली बस्ने ९ वर्षीय अमित विकको शव फेला परेको सशस्त्र प्रहरी बलका सहप्रवक्ता एवं डिएसपी शैलेन्द्र थापाले जानकारी दिए।
उनका अनुसार बालक मंगलबार दिउँसो पौने २ बजेतिर नदीमा डुबेर बेपत्ता भएका थिए।
सशस्त्र प्रहरी बल नेपाल नं. ६ महेश्वरी बाहिनी मुख्यालय सुर्खेतबाट सशस्त्र प्रहरी निरीक्षक वीरेन्द्र बमको कमाण्डमा खटिएको गोताखोर सहितको सुरक्षा फौजले बालकको शव दिउँसो १ बजे करिब ३० फिट गहिराइबाट निकालेको हो।
-1746009348.jpg)
