राष्ट्रिय सभा अध्यक्ष नारायणप्रसाद दाहालले भारतको ओडिसा घटनामा कूटनीतिक पहल गर्न सरकारको ध्यानाकर्षण गराएका छन्।
मंगलबार आकस्मिक समयमा राष्ट्रिय सभामा सांसदहरूले यस विषयमा कुरा उठाएपछि उनले सरकारको ध्यानाकर्षण गराएका हुन्।
कलिंग इन्स्चिच्युट अफ इन्डस्ट्रियल टेक्नोलोजी (किट) मा अध्ययनरत नेपालकी प्रकृति लम्सालको मृत्यु भएको घटनामा सत्यतथ्य छानबिन गरी न्यायका लागि कूटनीतिक पहल गर्न ध्यानाकर्षण गराएका हुन्।
‘यस विषयमा सत्यतथ्य छानबिन गरी यथार्थ अवस्था पहिचान गरी निज छात्रालाई उचित न्याय प्रदान गर्न यथाशीघ्र गम्भिर रुपमा कूटनीतिक पहल गर्न नेपाल सरकारको ध्यानाकर्षण गराउँछु। साथै उक्त कलेजमा अध्ययनरत नेपाली छात्र छात्राले सुरक्षित वातावरणमा निर्भिकताका साथ अध्ययन गर्ने वातावरण बनाउन पनि सरकारलाई आग्रह गर्दछु,’ उनले भने।
-1746009348.jpg)
