काठमाडौंमा नगरकोट पिकनिक गएर फर्किँदै गरेको स्कुल बस दुर्घटना परी घाइते भएका थप एक जनाको मृत्यु भएको छ।
सिन्धुपाल्चोक लिसंखुपाखर गाउँपालिका-६ घर भई हाल बौद्ध बस्ने १० वर्षीय सनसाइन तामाङको उपचारको क्रममा मृत्यु भएको हो।
उनको नेपाल मेडीसिटी अस्पतालमा मृत्यु भएको जिल्ला प्रहरी परिसर काठमाडौंका प्रवक्ता एसपी अपिलराज बोहराले जानकारी दिए।
यसअघि दुई विद्यार्थीसहित एक जना शिक्षकको मृत्यु भएको हो।
मोरङ उर्लाबारी नगरपालिका-७ का ११ वर्षीय क्रिसल पुरी, सिन्धुपाल्चोकका-१४ वर्षीया शुशाङ्का डोटेल र सिन्धुपाल्चोक बलेफी गाउँपालिका-७ का २४ वर्षीय सुरेश तामाङको मृत्यु भएको थियो।
माघ ३० गते बुधबार नगरकोट पिकिन गएर फर्किँदै गरेको एसएस एकेडेमीको बा २ ख ७९५८ नम्बरको स्कुल बस शंकरापुर नगरपालिका-५ स्थित दुर्घटनामा परेको हो।
उक्त बसमा ४६ जना यात्रु गिए। जसमा ३२ जना उपचारपश्चात डिस्चार्ज भइसकेका छन् भने १० जना उपचारत रहेको एसपी बोहराले जानकारी दिए।
'उपचारत ३ जनाको अवस्था गम्भिर छ भने ५ जना मध्यम र २ जना सामान्य छन्,' उनले भने।
-1746009348.jpg)
