प्रधानमन्त्री केपी शर्मा ओलीले विपक्षीहरूले जतिसुकै चाहना राखे पनि सरकार आगामी ०८४ सम्म नढल्ने बताएका छ्न्।
बुधबार प्रतिनिधि सभा बैठकमा बोल्दै प्रधानमन्त्री ओलीले विपक्षीहरूले आजै ढल्छ भोलि ढल्छ भने पनि ०८४ सम्म वर्तमान समीकरण नै अगाडि बढ्ने बताए।
उनले प्रमुख प्रतिपक्षी दल नेकपा (माओवादी केन्द्र)का दल नेता पुष्षकमल दाहाल 'प्रचण्ड'ले सरकार आजै ढल्छ, भोलि नै ढल्छ भन्दै हिड्ने गरेको पनि बताए।
'बलियो संसदीय गणितको जगमा उभिएको सरकार आजै ढल्छ भोलि नै ढल्छ भनेर अस्थिरताका लागि हल्ला पिटिरहने जस्तो अनि नढले पछि त्यति ढाल्न तयार छैन भन्न पनि भ्याइहाल्ने,' उनले भने।
उनले प्रचण्डलाई अस्थीरताको पक्षपोषण गर्नुको कारण पनि सोधे। ' के का लागि हो? देशका लागि राजनीतिक र नीतिगत स्थिरताका लागि त यो पक्कै होइन,' उनले भने।
'आजै ढल्छ, भोलि ढल्छ भन्ने । नढलेपछि अहिले रूची छैन भनिदिने? जतिसुकै चाहना राखे पनि आगामी ०८४ सम्म यही समीकरण अघि बढ्छ,' प्रधानमन्त्री ओलीले अगाडि भने।
-1746009348.jpg)
