नेपाली कांग्रेसका केन्द्रीय सदस्य मीनेन्द्र रिजालले अल्पमत र बहुमतबाट अनुशासन कारबाही गर्ने हो भने पार्टी झन् अराजक बन्ने बताएका छन्।
आइतबार सानेपामा बसेको केन्द्रीय कार्यसमिति बैठकमा धारणा राख्दै रिजालले भने, ‘अल्पमत र बहुमतबाट अनुशासन कारबाही गर्यौं भने अझै बढी अराजक हुन्छ।’
उनले अहिलेकै जस्तो निर्वाचन प्रणाली रह्यो भने २०८४ को आमचुनावमा पनि कसै न कसैले गठबन्धन गर्ने परिस्थिति बन्ने बताए। त्यसैले निर्वाचन प्रणाली परिवर्तन गरिनुपर्नेमा उनले जोड दिएका छन्।
‘संविधानका यस्ता केही विषयमा अहिले संशोधन गरौं ताकि अब आउने निर्वाचनमा अहिलेको जस्तो अवस्था नरहोस्,’ उनले भने, ‘नचिनेको जस्तो मानिस भए पनि भोट हाल्ने, चिनेकोलाई नहाल्ने प्रवृत्ति देखिँदैछ।’
-1702457484.jpg)
-1746009348.jpg)
