नेपाली कांग्रेसका महामन्त्री गगन थापाले लोकतन्त्र व्यवस्था अनुरूप अवस्था बदलिन नसक्दा आमअसन्तुष्टि रहेको बताएका छन्।
यस्ता असन्तुष्टि स्वाभाविक भए पनि यसको विकल्प अतिवाद हुन नसक्ने उनले बताए।
‘लोकतन्त्र व्यवस्था अनुरूप अवस्था बदलिन नसक्दा आम असन्तुष्टि स्वाभाविक भए पनि यसको विकल्प कुनै पनि प्रकारको अतिवाद हुन सक्दैन,’ लोकतन्त्र दिवसका अवसरमा बिहीबार ट्वीट गर्दै उनले भने, ‘लोकतन्त्र शब्दमा होइन, हाम्रो आचरण, सोच र कार्यशैलीमा देखिनुपर्छ।’
उनले समावेशी, उत्तरदायी र समुन्नत लोकतन्त्र निर्माणका लागि थप प्रतिबद्ध र प्रेरित बनाउनुपर्ने पनि बताए।
