प्रधानन्यायाधीश प्रकाशमानसिंह राउत र पूर्वराजा ज्ञानेन्द्र शाहलाई जोडेर समाचार बनाएको विषयमा नेपाली पेन अनलाइनविरूद्ध अवहेलनाको मुद्दा दायर भएको छ।
न्यायाधीशहरू अब्दुल अजीज मुसलमान र टेकप्रसाद ढुंगानाको बुधबारको इजलासले उक्त अनलाइनका सम्पादकको बयान गराउने आदेश गरेको हो।
सर्वोच्चका प्रवक्ता अच्युत कुइकेलका अनुसार तीन दिनभित्र बयानका लागि झिकाउने आदेश भएको हो।
‘प्रधानन्यायाधीश राउतले पूर्वराजा ज्ञानेन्द्रलाई किन भेटे?’ शीर्षकमा समाचार प्रकाशन भएको थियो।
तर अहिले उक्त समाचार अनलाइनले हटाइसकेको छ।
समाचार प्रकाशन भएपछि सर्वोच्चमै कार्यरत नायब सुब्बा कमला रेग्मी र रमेश बजगाईले मंगलबार निवेदन दिएका थिए।
