प्रधानमन्त्री केपी शर्मा ओलीले भारतीय समकक्षी नरेन्द्र मोदीसँग टेलिफोन संवाद गरेका छन्।
जम्मू-काश्मिरको पहलगाममा मंगलबार भएको आतंकवादी हमलापछि त्यस घटनालाई लिएर उनीहरूबीच कुराकानी भएको हो।
प्रधानमन्त्री ओली र समकक्षी मोदीबीच बुधबार टेलिफोनमा कुराकानी भएको हो।
प्रधानमन्त्री ओलीले घटनालाई लिएर समवेदना प्रकट गरेका छन्। उनले जघन्य अपराधका विरूद्धमा नेपाल-भारतसँग एकसाथ रहेको पनि उल्लेख गरेका छन्।
प्रधानमन्त्री मोदीले पनि नेपाली नागरिकको मृत्यु भएको घटनामा पनि समवेदना प्रकट गरेका हुन्।
पहालगाममा आतंकवादी हमला हुँदा २६ जनाको मृत्यु भएको थियो। जसमा बुटवलका सुदीप न्यौपाने पनि परेका छन्। उनकी आमा पनि घाइते छन्।
