प्रधानमन्त्री केपी शर्मा ओली र चिनियाँ राष्ट्रपति सी चिनफिङबीच भेटवार्ता भएको छ।
उनीहरूबीच बेइजिङस्थित देउताइ स्टेट गेष्ट हाउसको भिल्ला नम्बर १२ मा दुई देशबीचको सम्बन्ध र आपसी हितका विषयमा कुराकानी भएको प्रधानमन्त्री ओलीको सचिवालयले जनाएको छ।
प्रधानमन्त्री ओली चार दिने औपचारिक भ्रमणका लागि सोमबार बेइजिङ पुगेका थिए।
मंगलबार बिहान उनले चिनियाँ प्रधानमन्त्री ली छ्याङसँग पनि भेटेका थिए। भेटमा नेपाल र चीन बीच ९ बुँदे समझदारी भएको थियो।
प्रधानमन्त्री ओली बिहीबार नेपाल फर्किने कार्यक्रम छ।
तस्बिरहरू:
