प्रधानमन्त्रीको सरकारी निवास बालुवाटारमा सत्ता गठबन्धनको बैठक बसेको छ।
सत्तारूढ दलका शीर्ष नेताहरू बैठकमा सहभागी छन्।
सोमबार अपराह्न बैठक सुरू भएको हो।
बैठकमा प्रधानमन्त्रीसमेत रहेका नेकपा (एमाले) का अध्यक्ष केपी शर्मा ओली, नेपाली कांग्रेसका सभापति शेरबहादुर देउवा, जनता समाजवादी पार्टीका अध्यक्ष अशोक राई, लोसपा अध्यक्ष महन्थ ठाकुर, नाउपा अध्यक्ष रञ्जिता श्रेष्ठ सहभागी छन्।
प्रधानमन्त्री ओली र कांग्रेस सभापति देउवाबीच आइतबार अपराह्न बालुवाटारमा छलफल भएको थियो। उक्त छलफलले सरकारका न्यूनतम साझा कार्यक्रम बनाउन चार सदस्यीय कार्यदल पनि बनाएको थियो।
कांग्रेस र एमालेबीच गत असार १७ गते ७ बुँदे सहमति भएको थियो। सोअनुसार असार ३० गते प्रधानमन्त्रीमा ओली नियुक्त भएका थिए। त्यसपछि सत्ता गठबन्धन बैठक बसेको थिएन।
